Giklaro ni Cagayan de Oro Water District General Manager Edna Najeal nga regular man ang ilahang pagmonitor sa tubig sulod sa mga establishments tibuok tuig.
Saysay pa ni GM Najeal nga matag bulan, 120 ka water samples ang ilahang ginatesting gikan sa lain-laing sampling points. Samtang sa mga station o sources sa COWD, matag adlaw silang nagapahigayon og water samplings.
Kini nga mga lakang ginahimo na daan sa COWD ayha paman nahitabo ang pagtaas sa kaso sa suka kalibang sa syudad nga nakaapekto sa kapin kon kulang 600 katao.
Kahibaluan nga nag negatibo sab ang mga linya sa COWD sa water contamination. Ning kasamtangan, aron dili na masubli ang nahitabong kontaminasyon nga nagdala og sakit sa katawhan, mas palapdan sa COWD ang ilahang ginahimo nga monitoring, gawas sa mga establisyemento, ilaha sab pakusgan ang monitoring sa mga tulunghaan, ospital ug kabarangayan.
