Wala pa maghunahuna sa pagretiro ang NBA superstar nga si LeBron James bisan mag-41 na siya karong Disyembre ug mosugod na sa iyang ika-23 ka season sa liga.
Sa media day sa Los Angeles Lakers, gipadayag ni James nga excited siya nga makaduwa og full season kauban si Luka Dončić ug makigkompetensya pag-usab alang sa championship. Nalipay usab siya nga makaduwa samtang kauban ang iyang anak nga si Bronny, nga karon nagdula isip backup guard sa Lakers.
Apan iyang gipakita nga dili pa niya hunahunaon ang posibilidad nga magkadungan sila og duwa sa NBA uban sa iyang ikaduhang anak nga si Bryce, nga bag-ong freshman sa University of Arizona.
Gipadayag usab ni James nga ang edad, numero ra ug bisan daghan na siya og tuig sa dula, buot gihapon niyang magpabilin sa taas nga lebel ug maghatag og inspirasyon sa uban.
Magsugod ang season sa Lakers sa Oktubre 21 kontra Golden State Warriors, diin mahimong siya ang unang player sa NBA nga makaduwa sa ika-23 nga season.
SOURCE: DAILY MOTION
