Tungod sa nagkadaghan karon nga reklamo batok sa mga scammers sa online businesses naghimo ug pamaagi ang Department of Trade and Industry kon DTI aron makontrolar ug masumpo kini.
Sumala pa ni DTI Provincial Director Famelah Villanueva nga ang DTI naglantaw gayud sa kaayuhan ug protection sa mga konsumante dili lang sa naandan nga physical stores kondili lakip na sa online transactions taliwala sa giingong wala mabatyagi ang presensya sa gobyerno ilabina karon nga mahal na kaayo ang mga palaliton gumikan sa inflation.
Samtang sa hisgutanang Online Business Purchase Protection adunay gihimong platform pinasubay sa balaod ang DTI ug mao kini ang “TRUSTMARK” nga magsilbing usa ka badge para ma identify sa katawhan ang usa ka onnline seller kasaligan
Gipasabot usab ni DTI- Bukidnon Consumers Protection Division Head Junar Merla nga dili gayud mapugngan ang inflation kay bisan ang ubang nasud nag-antos sab niini, busa mao kini ang hinungdan nganong adunay SRP kon Suggested Retailed Price implementation aron dili makapataka ang mga manufacturer ug pagpamahal sa ilang mga produkto.
Kini ang gipadayag sa DTI- Bukidnon atol sa gipahigayong Bida anng Konsyumer sa Bagong Pilipinas Media Briefing kagahapon alayon sa pag-obersar ning bulan sa Oktobre isip Consumer Welfare Month, diin gipamatud-an pag-usab ang ilang pasalig sa mas luwas, ug mas kasaligan nga e-commerce alang sa matag Pilipino.
via: DTI Bukidnon
