Naglunsad sa Community-Based Monitoring System kon CBMS ang National Anti-Poverty Commission nga usa ka importante nga inisyatibo aron mas masuta ug masabtan ang tinuod nga kahimtang sa matag komunidad ilabi na diri sa Northern Mindanao.
Pinaagi niini, mas madali ug klaro nga makolekta ang datos kalabot sa kahimtang sa panginabuhi, edukasyon, kahimsog, ug empleyo sa katawhan.
Gibutyag ni NAPC Secretary Lope Santos nga nga pinaagi sa CBMS, mas mailhan dayon kinsa ang labing pinaka-apektado sa kapobrehon ug unsa ang ilang tinuod nga gikinahanglan.
Ang naasoy nga sistema mahimong basihanan sa mga lokal nga opisyal ug sa nasyonal nga panggamhanan sa paghimo ug epektibong programa ug ayuda nga tukma sa sitwasyon sa mga kabos.
