Gisunog sa Philippine National Police (PNP) ang tanom nga marijuana sa probinsya sa Kalinga gikan niadtong Domingo, Setyembre 28 hangtod Lunes, Setyembre 29.
Gipaambit sa PNP sa ilang Facebook post ang maong operasyon diin gibungkag ug gisunog ang kapin sa 57,000 ka punoan sa marijuana, ubos sa direktiba ni Presidente Ferdinand “Bongbong” Marcos Jr. nga palig-onon ang kampanya batok sa ilegal nga droga.
Kauban sa PNP ug PDEA sa maong operasyon ang Rizal Municipal Police Station (MPS), Tinglayan MPS, Tanudan MPS, Pinukpuk MPS, Provincial Police Drug Enforcement Unit KON PDEA, Provincial Intelligence Unit, 1st ug 2nd Provincial Mobile Force Company sa Kalinga Police Provincial Office, 1503rd Maneuver Company sa Regional Mobile Force Battalion 15, ug PDEA Kalinga sa Barangay Loccong, Tinglayan, Kalinga.
Gipasabot usab sa PNP nga sa unang bahin sa pagsunog, gibana-bana nga 33,000 ka tanom nga marijuana ang ilang nasunog, nga nagkantidad og ₱6.6 milyon, ug 24,000
Sa sunod nga bahin, nga nagkantidad og ₱4.8 milyon. Gipaambit ni PNP Acting Chief Police Lieutenant General (PLTGEN) Jose Melencio C. Nartatez Jr. nga ang operasyon nga ilang gihimo usa ka pagpamatuod sa tinguha sa PNP nga palig-onon ang kampanya sa administrasyon batok sa ilegal nga droga.
Pagsuporta ni PNP Spokesperson Police Brigadier General (PBGEN) Randulf T. Tuaño, magpadayon ang PNP hangtod nga hingpit nga mahimong abo ang matag tanom sa marijuana.
PHOTO: ABS-CBN
