Padayong nagtrabaho ang Department of Information and Communications Technology (DICT) Region VIII aron mabalik ang mga maayong serbisyo sa internet connection sa mga lugar nga grabeng naapektuhan tungod sa bag-o lang nga Bagyong Opong sa Probinsya sa Biliran.
Kining hinanaling tubag nagtumong sa pagpabalik sa komunikasyon ug paghatag og tabang sa mga residente ug ahensya sa gobyerno sa maong probinsiya.
Matod sa DICT, aktibo silang nakig-alayon ug nakighinabi na sila kang Biliran Provincial Governor Dr. Roger Espina kalabot sa posibleng deployment sa Starlink Satellite internet service partikular na sa Lungsod sa Kawayan.
Ang Starlink, isip usa ka bag-ong teknolohiya, gilauman nga makahatag kinig paspas ug kasaligan nga pag-access sa internet bisan paman sa hilit nga mga lugar.
Dugang pa, ang DICT Region VIII nagpahigayon usab ug importanteng panagtigom uban ni Kawayan Mayor Rudy Espina ug Maripipi Mayor Joseph Caingcoy aron maplanohan pag-ayo ang setup sa Starlink satellite internet ug magtukod sa gikinahanglang mga power stations.
Kini nga inisyatiba nagtumong sa pagdala sa internet access sa mga lugar nga sa pagkakaron walay koneksyon o limitado nga access tungod sa kadaot nga gipahinabo sa bagyo.
Photo Courtesy to:DICT8 LEYTE
