Gisugdan na sa DPWH South Cotabato 1st District Engineering Office ang pagmentinar sa naguba nga asphalt overlay sa national highway sa Brgy. Polonuling, Tupi South Cotabato.
Nasayran nga gireklamo kini sa mga motorista ang pagkaguba sa dalan tungod sa dili pantay nga aspalto nga mahimong hinungdan sa disgrasya.
Gitubag dayon sa ahensya pinaagi sa paggahin og pundo nga mokabat sa P7.4 milyones alang sa pag-ayo sa naguba nga bahin sa highway nga anaa sa kapin sa 190 metros ang gitas-on.
Gisiguro sa buhatan sa DPWH South Cotabato nga tumong niini mamahimong hapsay ug luwas ang kadalan sa mga drayber.
