Giklaro sa Department of Energy (DOE) nga wala na silay gahum pagpahunong sa pagpatuman sa excise tax sa mga produktong petrolyo, bisan pa sa padayong pagsaka sa presyo sa lana.
Atol sa deliberasyon sa plenaryo sa 2026 General Appropriations Bill, gipangutana ni Gabriela Partylist Rep. Sarah Elago kon may mahimo ba ang DOE aron temporaryong masuspinde ang buhis sa lana.
Matod sa ahensya, gikinahanglan ang bag-ong balaod tungod kay na-expire na ang probisyon sa TRAIN Law nga naghatag og opsyon sa pagsuspenso sa buhis.
Matod ni Energy Secretary Sharon Garin, bukas sila sa ideya sa pagsuspinde ug suportahan kini kung adunay mapasaka nga balaodnon sa Kongreso.
Apan depende gihapon kini sa fiscal policy sa Department of Finance (DOF).
Photo Courtesy to:Siamoil.co.th
