Padayon ang build-up sa Converge, samtang nag dugang og mga piyesa nga makatabang sa kampanya PBA Season 50. Subay sa ilang social media page, ang FiberXers mikompirmar kaniadtong Domingo sa pagpirma sa beteranong center nga si Rafi Reavis ug rookie forward Kobe Bryan Monje.
Si Monje mao ang ikaduhang round pick sa FiberXers (ika-21 sa kinatibuk-an) sa 2025 Draft. Ang 24-anyos nga tubong Bulan, Sorsogon ug produkto sa Letran Knights nalista sa 6-foot-4. Ang No. 2 pick sa team mao si Juan Gomez De Liano kinsa napili niadtong Septiyembre 7.
Dugang pa niini si Monje mahimong usa ka maayong frontline sa Converge kauban ang twin tower nga sila Justine Baltazar ug Justin Arana.
Si Reavis, usa ka proven center, gikuha sa free agency human wala na gi-renew ni Magnolia ang iyang kontrata human sa Season 49.
Sa iyang ika-22 nga season sa miaging season, si Reavis nakahatag gihapon og maayong kontribusyon sa sa Hotshots. Sa pagsugod sa golden season pinaagi sa Philippine Cup karong Oktubre 5 sa Smart Araneta Coliseum, si Reavis, 48, ang ikaduhang overall pick sa Coca-Cola Tigers niadtong 2002, kinsa pormal nga mosulod sa iyang ika-23 nga season.
Nasayran nga si Reavis makig-uban kang Robert Jaworski Sr. sa ikaduhang labing daghang season nga giduwa sa PBA, sunod kang Asi Taulava.
Nakompleto ni Asi ang rekord nga 24 ka season gikan sa 1999 hangtod 2023 uban sa Mobiline (Talk ‘N Tex), Coca Cola, Meralco, Air21 ug NLEX.
Si Reavis nakadaog og 11 ka kampiyonato kanbiadtong kataposan sa 2018 Governor’s Cup samtang kauban ang Hotshots. Mahimong mentor si Reavis sa mga young big sama ni Baltazar, Arana, Monje.
Photo Courtesy to:Rappler
