Nahimong “instant celebrity”ang usa ka manok sa Barangay San Roque, human kini gireport sa kapitan nga mao nay naglihok isip opisyal nga alarm clock sa tibuok baryo.
Matod sa mga silingan, kada alas 3:00 sa kaadlawon magsugod na kini’g “kokakdoodledoo” hangtod alas 7:00 sa buntag. Tungod niini, halos tanan sa komunidad dili na kinahanglan mopalit og alarm clock o magsalig sa cellphone.
“Bisan walay kuryente, sure jud nga makamata mi,” matod sa usa ka residente. Apan giangkon usab niya nga usahay makasapot ang manok kay maski Domingo, wala kini’y day-off.
Giingon nga adunay plano ang barangay nga himoon kining opisyal mascot ug tagaan og ID nga nakasulat: “Barangay Alarm Officer.”
Photo Courtesy to:X
