Namatay na ang Finnish cue artist nga si Mika Immonen sa edad nga 52 anyos. Sumala sa iyang kampo, wala na nakaya sa batikan iyang sakit nga cancer.
Si Mika giila nga “The Iceman,” kinsa kapila na ka higayon nakabisita sa nasud ug nakaatubang ang mga sikat nga bilyarista sama nila Efren “Bata” Reyes, Francisco “Django” Bustamante ug daghan pang uban.
Pipila sa iyang di makalimtan nga mga dula sa nasud naglakip sa pagdaog sa 2003 Philippine 9-Ball Open batok kang Reyes, sa 2009 WPA World 10-Ball Championship batok kang Lee Vann Corteza ug sa 2012 World Cup of Pool alang sa Finland uban sa kababayan nga si Petri Makkonen.
Miyembro siya sa Billiards Congress of America Hall of Fame sa pagdaog sa 2001 World Pool Championship batok kang Ralf Souquet sa Germany. Siya usab ang two-time US Open winner sa US Open kaniadtong tuig 2009.
Mibuhos ang pahasubo gikan sa nagkadaiyang mga bilyarista sa tibuok kalibotan human masayran ang makapasubong balita
via : TV.KOZOOM
