Modula sa unang higayon, ang tulo ka team sa PBA sa Bahrain sa Disyembre, isip kabahin sa pagsaulog sa makasaysayanong 50th Season niini. Bida sa blockbuster event uban sa Bahrain Basketball Association, ang crowd darling Barangay Ginebra, kauban sa Magnolia ug Rain or Shine gikan sa Disyembre 15 hangtod 17, 2025, atol sa PBA Philippine Cup.
Napili ang Elasto Painters, nga maoy modula og back-to-back games, human nisugot si head coach Yeng Guiao nga makigdula batok sa 2 ka dagkong teams nga Gin Kings ug Hostshots. Unang makigsangka ang Rain or Shine sa Magnolia ubos sa pagmando sa bag-ong head coach nga si Yeng Guiao karong Disyembre 15 sa dili pa makigsangka sa Ginebra karong Disyembre 17.
Aduna usab panagtapok ang PBA nga pangunahan ni Commissioner Willie Marcial ug BBA, nga nagsaulog usab sa ilang ika-25 nga anibersaryo ubos sa bandila ni Presidente Alaa Mudara uban sa 3 ka teams sa Disyembre 16 aron sa pagsaulog sa Bahrain Day.
Kahinumdoman, nga nihimo si Guiao og back-to-back alang sa kanhing team nga NLEX, nga nahagbong batok sa San Miguel, human nakabawi batok sa Ginebra, sa 2019 PBA Governors’ Cup sa Dubai, United Arab Emirates.
Mao usab kadto ang kataposang out-of-country game sa PBA, sa wala pa ang pandemya ug pagbalik sa hingpit nga aksyon niadtong milabyng mga season, uban sa kampanya sa Gilas Pilipinas sa FIBA World Cup, Asian Games, SEA Games ug Olympic qualifiers.
Photo courtesy to:PBA
