Nahugno ang damgo usa ka babaye sa New York, human nagtuo siya nga nakadaog siya og dul-an sa $43 milyones gikan sa usa ka slot machine. Gipahayag sa casino, nga ang gipakita nga premyo sa makina usa lang ka malfunction ug dili tinuod nga kadaugan.
Namatikdan ni Katrina Bookman ang kantidad nga $42,949,672.76 sa screen sa iyang pagdula sa Resorts World Casino. Apan, imbes nga milyon-milyon, ang casino miingon nga ang tinuod niyang nadaog anaa lamang sa $2.25, ang aktuwal nga premyo base sa iyang pusta.
Imbes dako kaayong salapi, gihatagan lamang si Bookman og libre nga steak dinner isip “pagpahupay.” Ang maong insidente nakapukaw og kasuko gikan sa publiko.
Ang kasagarang argumento sa mga casino nianang mga kasoha anaa sa ilang lagda nga nakasulat sa pinakagamay nga letra: malfunction voids all pays and plays.
Kini nagpasabot nga bisan unsa pa kadako ang gipakita sa screen, kung giingon nga naguba ang makina, walay legal nga basehan ang magdudula aron makuha ang gipakitang kantidad.
Photo courtesy to:Wasted
