Gipahugtan sa Department of Agriculture (DA) ang pagsubay sa posibleng pagkalugi sa agricultural sector gumikan sa Severe Tropical Storm Opong nga may international name Bualoi.
Matud ni DA spokesperson Assistant Secretary Arnel de Mesa nga ang Opong nagpakita sa mas lapad nga dala nga kadaut kumpara sa nakalabayng mga daut nga panahon.
Matud ni De Mesa nga ang bagyo posibleng makakunhod sa produksyon sa humay , mais, ug mga high-value crops sa lain-laing rehiyon.
Samtang, gisiguro ni De Mesa nga lisud nga mutaas ang presyo sa bugas gumikan may igong pondo sa mga inani nga humay sa unang semester.
Diin kini igo gihapon bisan pa sa 60 day nga import ban sa mga imported rice ilabina nga nagpadayon ang peak harvest sa panahon sa tag-ulan.
Bisan walay babag sa paglihok sa produktong pang-agrikultura, giingon sa opisyal sa DA nga possible gihapon ang 10 ngadto sa 15 porsiyentong pagtaas sa presyo sa mga utanon gumikan sa nihit nga suplay.
Photo courtesy to:ASSISTANCE PH
