Dako ang tsansa sa Pinay tennis star nga si Alex Eala nga modaog sa ikaduhang hugna sa Jingshan Tennis Open sa China.
Iyang ikasangka si Mei Yamaguchi sa Japan sa round of 16 sa torneyo karong adlawa. Si Eala miabante sa ikaduhang hugna human gipildi si Aliona Falei sa Belarus.
Bisan pa sa ranggo nga 268, ang Japanese tennis player aduna nay duha ka International Tennis Federation Title (ITF) singles titles sa iyang ngalan.
Human sa Jingshan Tennis Open, si Eala makigsangka sa WTA 125 Suzhou Open gikan sa Septiyembre 29 hangtod sa Oktubre 5 ug sa Hong Kong Open gikan sa Oktubre 27 hangtod sa Nobyembre 2 sa dili pa mosangka sa 33rd Southeast Asian Games sa Disyembre nga ipahigayon sa Bangkok, Thailand.
Photo courtesy to:wta
