Gikalingawan sa mga netizens ang usa ka daddy nga grabe ang kakapoy gikan sa trabaho ug kakulang sa tulog tungod sa pag-atiman sa ilang bag-ong panganak nga anak.
Na-video-han kini nga nagpa dede og tsupon ug nagtapik-tapik sa usa ka face mask kay abi niya mao ang ilang baby sa Dasmariñas, Cavite.
Bag-o lang natapos og breastfeed si Mommy Jessica Reposar ug iyang gipukaw ang partner nga si Daddy Renz aron kuhaon ang pacifier sa ilang baby nga nahulog sa katre.
Misunod man si Daddy Renz bisan tulog pa og mata, pero wa damha ni Mommy Jessica ang iyang gisunod buhat.
Human kuhaa ang pacifier, gibutang ni Daddy Renz ang iyang face mask sa katre ug gitapik-tapik kini murag iyang baby.
Wala na lang gisagda ni Jessica kundi ang pagkatawa og hinay lang kay basin magmata ang ilang baby.
Ang ending, natulog na lang balik si Daddy Renz. Sa buntag, gipakita ni Mommy Jessica ang video ug didto pa siya nasayod nga wa gyud sa iyang kaugalingon si Daddy Renz.
Sumala pa ni Jessica, 10 ka adlaw pa lang ang ilang Baby Jarren atong panahona. Gawas sa kapoy ug kakulang sa tulog, nagsip-on ug nag-ubo pa gyud si Daddy Renz mao nga nagsul-ob siya og face mask.
Daghang ginikanan ang nakarelate ani nga kasinatian, kay lisod gyud ang pag-atiman sa bag-ong panganak nga bata. Si Baby Jarren, lima na ka bulan karon og naka adjust na sila.
Photo courtesy to: Jessica Reposar
