Gipahibalo sa Supreme Leader sa Iran nga si Ayatollah Ali Khamenei nga dili sila moapil sa direct negotiations sa Estados Unidos. Giingon niya nga diktat lang ang ipatuman ug walay tinuod nga negosasyon, kay ang resulta gisulti na daan sa Amerika. Giingon usab niya nga ang pakigpulong nakatutok lang sa US, dili sa Europe.
Sa laing bahin, nakig-meeting ang Iranian Foreign Minister Abbas Araghchi sa mga diplomat sa France, Germany ug UK sa New York aron hisgutan ang reimposition sa UN sanctions, nga magsugod sa Domingo kung walay kasabutan. Nakigkita usab siya sa IAEA director-general Rafael Grossi, ug naa nay kasabutan sa Egypt aron mobalik ang cooperation sa inspections. Gisulti sa E3 nga kinahanglan mosugod ang Iran og direct talks sa US ug hatagan ang IAEA og access sa tanang nuclear sites.
Gisiguro ni Khamenei nga ang nuclear program sa Iran lig-on ug dili aron paghimo og bomba. Wala sila’y plano nga mogamit og nuclear weapon.
Haduol na ang deadline sa snapback sanctions tungod sa kapakyasan sa Iran sa pagsunod sa 2015 nuclear deal.
Posibleng mopugos kini sa pag-freeze sa assets sa Iran, paghunong sa arms deals, ug penalidad sa ballistic missile program. Gisulti sa France ug Germany nga andam sila sa extension kung mosugot ang Iran sa direct talks ug inspections.
SOURCE: THE MANILA TIMES
