Gidili na sa California ang pagsul-ob og mga maskara sa mga lokal ug pederal nga mga law enforcement officers. Apil niini ang mga agent sa US Immigration and Customs Enforcement (ICE).
Ang maong balaod gipirmahan ni Democratic Governor Gavin Newsom aron maprotektahan ang mga residente batok sa gitawag niyang ‘secret police’ nga nagasuroy-suroy sa kadalanan.
Magsugod og epekto ang maong balaod sa umaabot nga Enero 1, 2026, isip tubag sa pagsul-ob og mga maskara sa mga ahente sa ICE atol sa ilang gipahigayon nga immigration raids sa Los Angeles.
Gisupak kini ni US Attorney Bill Essayli, nga usa ka appointee ni US President Donald Trump, diin iyang giingon nga walay hurisdiksyon ang gobernador sa California ibabaw sa federal nga gobyerno, ug magpadayon gihapon nga panalipdan sa mga ahente ang ilang identidad.
Photo courtesy: Fox News
