Opisyal nga natala sa Guinness World Record Si Rex J. Pumphrey II nga taga Monroe, Georgia, USA ang “pinakadaghan nga koleksyon sa mga medyas” nga adunay kinatibuk-ang 1,165 ka unique nga pares.
Ang iyang daghan nga koleksyon gitipigan sa usa ka tibuok dresser ug katunga sa usa ka aparador nga maampingong gihapnig base sa kolor ug gitiklop aron makita ang disenyo.
Nagsugod ang iyang pagkahilig sa pagkolektang medyas siyam ka tuig ang milabay, sa dihang sila naminyo sa iyang asawa.
Matod ni Rex, ang ideya sa pagkolekta sa medyas gikan sa iyang asawa, nga mi-sugyot nga magtigom siya og medyas kay mas barato kini nga paagi sa pagpadayon sa iyang hilig sa koleksyon — hilabi na kay hilig pud siya mangolekta og sapatos.
Apan dili lang siya nangolekta og ordinaryong medyas. Para makasulod sa iyang koleksyon, kinahanglan nga ang medyas kay “bold, colorful, ug talagsaon gayud.”
Dili lang ni sila yano nga accessory; ang pagaka mahiligon adunay koneksyon sa kinabuhi nga mga conversation starters, expression sa personalidad, ug gamay nga sining nga natago ilawom sa sapatos, pasabot ni Rex.
Ang iyang koleksyon naglakip og mga disenyo gikan sa:Sikat nga mga brand; TV shows; Mga sports teams; Holiday themes; Mga instrumento; Currency designs; Paborito niyang pagkaon; Ug apil ang mga classic nga disenyo sama sa artan ug polka dots.
Gikan sa usa ka pares, nahimo kini nga napulo, dayon gatus, hangtod karon nga naabot og 1,165 ka pare
Aron maaprobahan sa Guinness World Records, iyang gilatag tanan niyang medyas sa salog sa gym sa Meridian Park sa Loganville, ug maampingong gi-ihap ug gilista ang matag-usa.
Para kang Rex ug sa iyang asawa nga si Karyn, ang pagkab-ot sa world rekord pinaagi sa iyang hilig sa fashion, usa kini ka dako nga dungog.
Photo courtesy: Guinness World Record
