Gipagawas sa International Criminal Court (ICC) Office of the Prosecutor ang Document Containing the Charges (DCC) batok kang kanhi Presidente Rodrigo Duterte, nga maoy nagsilbi nga basehan sa umaabot nga kumpirmasyon sa pagdungog sa mga kaso.
Matod sa gipagawas nga dokumento, ang mga prosecutors nagkupot kang Duterte nga tulubagon sa tulo ka ihap sa pagpatay ug pagsulay sa pagpatay isip mga krimen batok sa katawhan, may kalabotan sa gitawag nga “war on drugs” niadtong mayor pa siya sa Davao City ug isip presidente sa nasud.
Ang mga kaso batok kang Duterte naglakip sa Pagpatay isip krimen batok sa katawhan sa Davao City sa dihang mayor pa siya, gikan 2013 hangtod 2016.
Pagpatay isip usa ka krimen batok sa katawhan batok sa gitawag nga “high value targets” sa nagkalain-laing dapit sa Pilipinas sa dihang siya pa ang presidente, gikan niadtong 2016 hangtud 2017 ug Uban pa, nga naglakip sa 19 ka biktima para sa Count 1, 14 ka biktima para sa Count 2, ug 45 ka biktima para sa Count 3
Gipakita sa dokumento nga si Duterte kuno ang nagpaluyo sa nasangpit nga mga krimen pinaagi sa paggahin ug pundo, pagtudlo og mga opisyal, ug paghimo og mga polisiya sa pagpatuman sa iyang kampanya batok sa drugas.
Ang internasyonal nga komunidad nagpadayon sa pag-monitor sa kaso, nga usa sa labing taas nga lebel sa tulubagon nga giatubang sa usa ka kanhi nasudnong lider ubos sa internasyonal nga balaod.
via: ICC
