Mihimo og kasaysayan ang Alas Pilipinas sa FIVB Men’s World Championship dihang gipildi niini ang African champion Egypt niadtong Martes sa gabii didto sa Mall of Asia Arena sa Pasay City.
Dako kining sagpa sa mga nagduda sa abilidad sa Alas Pilipinas sa wala pa magsugod ang torneyo.
Ang team captain sa Alas Pilipinas nga si Bryan Bagunas nagtuo nga ang mga Filipino athletes makahimo sa pagpakigsangka sa mga gahi ug world-class nga mga magduduwa.
Matod pa niya nga ang Pilipinas dili lang para sa Southeast Asian Games o Asian Games tungod kay kaya kini sa world-level tournaments.
Hisayrang miuswag pag-ayo ang duwa ni Bagunas tungod kay makapila na siya ka import sa nagkalain-laing international tournaments sama sa Japan V. League ug Taiwan.
Si Bagunas nagpaalim pa sa pagkaangol ug nipahuway sab og pipila ka buwan aron masiguro nga anaa siya sa hingpit nga kondisyon sa dili pa ang FIVB World Championships
via: PVL
