Posibleng mas taas ang risgo sa mga kababayen-an nga pirmi mogamit ug hair dye o chemical hair straightener nga magka-breast cancer base sa bag-ong pagtuon nga gihimo sa National Institutes of Health (NIH).
Sulod sa Sister Study nga naglakip ug kapin 46,000 ka partisipante, nakita nga ang mga kababayen-an nga kanunay naggamit ug permanenteng hair dye adunay 9% nga mas taas nga posibilidad nga maapektuhan sa breast cancer kumpara sa wala mogamit niini.
Nakit-an usab nga ang chemical straighteners o mga pakolor sa buhok naghatag ug dako nga risgo sa tanang lahi.
Ang mga kababayen-an nga mogamit niini matag 5–8 ka semana adunay 30% nga mas taas nga risgo nga magka-breast cancer.
Gipasabot sa NIH nga ang kababayen-an angay mag-amping ug limitahan ang paggamit sa mga permanenteng hair dye ug chemical straightener samtang nagpadayon ang mas lawom nga panukiduki.
via: LIFDB
