PAGHUYANG SA DOLLAR, MAKA PATAAS SA UTANG SA PINAS

Nakapataas sa utang sa Pilipinas ang paghuyang sa value sa Dollar sa 2^nd Quarter karong tuiga sumala sa Bangko Sentral ng Pilipinas (BSP).

Sumala pa sa ahensya ang kwarta nga nautang sa Foreign Creditors anaa sa $148.87 billion sa bulan sa Abril- Hunyo, 1.5 percent ang gitaas gikan sa $146.74 billion nga natala sa unang tulo ka bulan karong tuiga.

Gidugang pa sa BSP nagpasabot kini nga anaa sa 31.2 percent ang Gross Domestic Product, hinay-hinay nga miubos gikan sa 31.5 percent sa unang kwarter.

Samtang ang net purchase sa Philippine debt securities, anaa  $660.96 million, og nakaambag sa pagtaas sa external debt, samtang ang net repayments sa $315.67 million nakahatag kini ug usa ka partial offset.

PHOTO Courtesy:Financial Times