Gipangitaan na og pamaagi sa mayor sa Opol, nga ma restore ang nahugno nga flood control project sa Barangay Barra.
Nakiglambigit na matud pa sa Department of Public Works and Highways Region 10 si Opol Mayor, Atty. Jay Bago alang sa rehabilitasyon sa nahugno nga flood control project sa Zone 1, Brgy Barra sa naasoy nga lungsod nga gipasagdan na sa mga kontraktor niini.
Gikumpirma ni Mayor Bago nga 2015 pa kini gihimo og naabtan nalang niya kini sa iyang paglingkod niadtong 2022.
Gipasabot sa mayor nga una lang matud pa nga napondohan ang road widening sa lungsod apan, dili matud pa niya pasagdan ang pag parehab sa flood control project.
Dugang pa ni Mayor Bago nga ang Opol ang usa sa mga gibisita sa team gikan sa Malacañang nga nag imbistigar karon sa mga flood control project.
Nakatabang matud pa ang pagboto sa isyu tungod kay mas dali nga napansin ang mga kapalpakan sa mga proyekto ug dali na nga mahatagan og kasulbaran.
