Giduso karon sa House of Representatives ang House Resolution 271 nga nag-obliga sa tanang kongresista nga ipablikar ang ilang Statement of Assets, Liabilities and Net Worth o SALN.
Ang maong resolusyon giduso nila Representatives Chel Diokno, Perci Cendaña, Dadah Kiram Ismula, ug Arlene “Kaka” Bag-ao taliwala sa isyu sa korapsyon nga nalambigit sa mga flood control projects diin pipila ka kongresista ang naapil.
Gitagaan og mandato sa maong resolusyon ang House Secretary General sa pagpatuman niini isip kabahin sa transparency ug accountability sa gobyerno.
Matod pa sa resolusyon, ang lakang nagatuman sa probisyon sa Republic Act 6713 o Code of Conduct and Ethical Standards for Public Officials and Employees.
Photo courtesy to PhilStar
