Narekober sa tropa sa 36th Infantry Battalion (IB) uban sa laing operating units sa ilawom sa 901st Infantry Brigade ang tulo (3) ka high-powered firearms sa kabukiran sa Barangay Hinapuyan, Carmen, Surigao del Sur niadtong Setyembre 10, 2025.
Ang mga narekober nga armas mao ang duha (2) ka M16 rifles ug usa (1) ka AK-47 rifle, nga nakuha base sa impormasyon nga gihatag sa duha ka miyembro sa Communist Terrorist Group (CTG) nga sila si alias Rem ug alias Jelo gikan sa Sub-Region Sentro de Grabidad (SRSDG) Westland. Ang duha misurender sa gobyerno niadtong Hunyo 15 ug Setyembre 4 ug mipadayag sa lugar diin gitago ang mga armas.
Matod pa ni alias Rem, mikunhod na pag-ayo ang ilang mga miyembro ug sobra pa ang armas kumpara sa nahabilin nga pwersa. Naglisod sab sila sa pagkaon ug bala, hinungdan nga daghan sa mga nahabilin nga rebelde ang na-demoralize ug wala nay kapasidad sa pagpadayon sa kalihokan.
Gi-awhag si Lt. Col. Joselito B. Ante Jr., Commanding Officer sa 36IB, sa mga nahibilin pa nga miyembro sa CTG nga mosurender ug mobalik sa ilang pamilya aron makapili og malinawong kinabuhi.
Gipahibalo niini nga entitled ang mga misurender nga makadawat og cash compensation pinaagi sa Firearms Remuneration component sa Enhanced Comprehensive Local Integration Program (E-CLIP) nga nagtinguha sa pagtabang kanila nga ma reintegrate sa social, makabalik sa pamilya, ug magpuyo nga walay kahadlok.
Photo courtesy to 901st Infantry Brigade
