Makigsangka na usab si Filipino Olympic bronze medalist Eumir Marcial kang Venezuelan power puncher Eddy Colmenares sa undercard sa Thrilla sa Manila 50th anniversary karong Oktubre 29, 2025 sa Araneta Coliseum.
Si Marcial, nga may record nga 6-0 uban ang 4 ka knockouts, nakasakmit og kadaugan sa dihang napatumba niya si Bernard Joseph, sayo ning tuiga sa undercard ni Manny Pacquiao batok kang Mario Barrios. Anaa na siya karon sa training camp sa Las Vegas alang sa umaabot nga sangka.
Sa laing bahin, mamahimong mo-presentar og labing lisod nga hagit alang kang Marcial si Colmenares, kinsa naggunit og rekord nga 11-2-1, diin ang tanang 11 ka daog niya pinaagi sa knockouts.
Ang umaabot nga sangka tali sa duha ka boksingero, usa ka pagmarka alang sa bakanteng WBC international middleweight title.
Photo courtesy to:Pinoy Boxing Prodigy
