Padayon nga nagpatrolya ang Department of Agriculture kon (DA) sa nagkadaiyang merkado sa Metro Manila. Tumong sa maong pag ronda nga higpit nga mabantayan ug makontrol ang presyo sa mga batakang palaliton nga gikinahanglan sa mga katawhan. Gipaneguro sa DA nga walay sobra nga pagtaas sa presyo sa mga produkto ug adunay igong suplay sa mga merkado.
Ang maong mga pagronda gipangunahan ni DA Assistant Secretary for Agribusiness, Marketing, and Consumer Affairs Atty. Genevieve Velicaria-Guevarra, kauban ang Food Terminal Inc. Personal nilang gihimo ang pagbisita sa merkado sa duha ka dagkong merkado, ang Bicutan Market ug Taguig People’s Market.
Uban sa pakighinabi sa mga vendors ug buyers aron masayran ang presyo ug sitwasyon sa supply sa mga produkto. Atol sa makuting inspeksyon ug monitoring, nabantayan ug namatikdan nga nitaas og gamay ang presyo sa pipila ka mga imported nga produkto sama sa imported nga bugas, kamatis, sili, ug pipila ka klase sa mgaisda.
Kini nga pagtaas mahimong tungod matud pa sa lainlaing mga rason, lakip ang pagbag-o sa kantidad sa pagbaylo-ay ug ang gasto sa pag-import. Luyo paman niini, ilang namatikdan nga mius-os ang presyo sa manok ug baboy nga nakatabang sa pagpagaan sa gastuhonon sa mga konsumidor.
Bisan pa sa pagdaghan sa pipila ka mga imported nga produkto, nasuta usab sa inspeksyon nga ang mga lokal nga produkto, partikular ang lokal nga bugas ug karne makunanayon gihapong mahalin. Nagpakita kini nga ang mga konsumedor mas pipilion gihapon ang mga produkto nga gikan sa Pilipinas. Nagpamatuod usab kini nga adunay igong suplay sa mga lokal nga produkto sa mga merkado.
Photo courtesy to:Remote lands
