Gikumpirma sa Bureau of Immigration (BI) nga nakauli na sa Pilipinas si retired police colonel Royina Garma, ang kanhing general manager sa Philippine Charity Sweepstakes Office (PCSO) diin imbestigahan sa pagkalambigit sa drug on war ni kanhing Pangulong Rodrigo Duterte ug master mind sa pagpatay kang kanhing PCSO board secretary Wesley Barayuga niadtong tuig 2020.
Niabot si Garma sa Ninoy Aquino International Airport (NAIA) gikan sa Los Angeles, California ug gipakita usab kini sa Immigration ang litrato ni Garma sa ilahang official facebook page.
Kahinumduman nga migawas sa nasud si Garma sa panahon nga imbestigasyon sa maong pagpatay sa war on drugs sa kanhing administrasyon kon asa nalakip ang pangalan ni Garma sa mga nagbuhat sa krimen.
Sa House Quad Committe inquiry, gibutyag ni Garma nga gisugo kini sa kanhi nga pangulo nga mangita ug usa ka officer aron maghimo ang Davao nga model alang sa war on drugs sa tibuok nasud.
Sa ilalom niini dunay reward money sa kada mapatay nga drug suspect. Nasayran nga naharang si Garma sa mga awtoridad sa California, USA kaniadtong Nobiyembre 7, 2024 tungod sa iyang kanseladong visa.
Lima ka bulan ang nanglabay gikan sa pagkasikop kang Garma, ang iyang abogado miingon nga nangayo siya ug asylum sa maong nasud.
Sa karon muatubang kini sa reklamong pagpatay ug frustrated murder kalabutan sa pagsugo nga patyon si Barayuga.
Photo courtesy to:HOR
