Abli si Presidente Ferdinand Marcos Jr. nga ipaubos sa witness protection program ang magtiayong Discaya human ilang gihinganlan ang pipila ka mga magbabalaod nga giingong nalambigit sa mga anomaliya sa mga flood control projects.
Matod sa Presidente, kung mapamatud-an nga kuwalipikado, mahimo dayon silang ipaubos sa programa. Apan bisan og dili pa sila pormal nga state witness, gipasalig sa Presidente nga molihok dayon ang mga awtoridad kung adunay hulga sa ilang kinabuhi.
Gipasabot sa Presidente nga buhaton kini sa gobyerno dili lang tungod kay kabahin sila sa imbestigasyon, kondili katungdanan sa estado ang pagsiguro sa kaluwasan sa matag Pilipino.
Siguruhon usab sa Presidente nga ang mga alegasyon sa magtiayong Discaya masusi pag-ayo sa usa ka independenteng komisyon nga pagamugnaon.
Matod niya nga dili pa kini matawag nga “revelation” apan usa lang ka alegasyon tungod kay gikinahanglan pa ang igong ebidensya.
Photo Courtesy to: PNA
