Base sa datos sa PAG-ASA, ang Tropical Depression “TAPAH” (nga gitawag ug “LANNIE”) wala na sa Philippine Area of Responsibility (PAR). Sa pagkakaron, walay namonitor nga bagyo o Low Pressure Area (LPA) ang PAG-ASA.
Nagpabiling apektado sa Easterlies ang Southern Luzon, Visayas ug Mindanao. Ang Bicol Region, Quezon, Marinduque, Romblon, Aklan, Capiz, Northern Samar ug Eastern Samar makasinati og dag-umon nga kalangitan uban sa panalagsang pag- ulan .
Ang Metro Manila ug ubang bahin sa Visayas, CALABARZON ug MIMAROPA, makasinati sa mapanganurong kalangitan inubanan sa talagsang pag-ulan. Ang ubang bahin sa Luzon makasinati usab og localized thunderstorms nga mahimong hinungdan sa flash floods o landslides.
Samtang ang Zamboanga Peninsula ug ang Misamis Occidental makasinati sa panalagsang pagdag-om ngadto na sa mapanganuron nga kalangitan inubanan sa pat-ak pat-ak nga pag-ulan, kilat ug pagpanalugdog tungod sa Easterlies.
Hinay ngadto sa kasarangan nga hangin ang magagikan sa amihanang silangan ngadto sa silangang direksyon ug ang kadagatan hapsay ngadto sa kasarangan ang pagbalud.
Photo Courtesy: DOST PAG-ASA
