Sikop ang usa ka babaye kinsa wanted sa kasong may kalambigitan sa iligal nga druga pinaagi sa gipahigayong joint law enforcement operation sa Barangay Poblacion, lungsod sa Siocon, Zamboanga del Norte niadtong nakalabayng adlaw.
Giila ang dinakpan nga si Adih Muharam Estino, 21 anyos, usa ka vendor ug residente sa Sitio Panubigan, Barangay Balagunan sa nasangpit nga lungsod.
Gisikop ang suspetsado pinasikad sa warrant of arrest sa kasong paglapas sa RA 9165 kon Comprehensive Dangerous Drug’s Act of 2002 nga gipagula sa RTC Branch 27, Ninth Judicial Region, Siocon, Zamboanga del Norte pinetsahan ug Septyembre 2, 2025.
Giila usab ang dinakpan isip Top 3 Most Wanted Municipal Level ug nalista nga High Value individual sa drug’s watchlist.
Anaa na tingkagol sa selda sa Siocon Municipal Police Station ang dinakpan alang sa tukmang disposisyon.
Photo for illustration Creits to: all4maternity
