Gibutyag sa magtiayong Sarah ug Curlee Discaya ang giingong kaylap nga kurapsyon sa flood control projects sa DPWH atol sa hearing sa Senate Blue Ribbon Committee niadtong Lunes, Septiyembre 8.
Matod pa nga gigamit sila sa mga opisyal ug mga magbabalaod sa pagkolekta og 10% ngadto sa 25% nga “kickbacks” sa kantidad sa proyekto isip kondisyon nga dili kini babagan.
Pipila sa mga gipanganlan sa magtiayon nga nalambigit sa anomalosong flood control projects mao sila:
Pasig Rep. Roman Romulo, QC Representatives: Arjo Atayde, Patrick Vargas, Reynante Arogancia, Marvin Rillo, ug Marivic Co-Pillar, Marikina Rep. Marcy Teodoro, Bulacan Rep. Florida Robes, Aklan Rep. Teodorico Haresco, Romblon Rep. Leandro Madrona, Occidental Mindoro Rep. Leody Tarriela, Caloocan Rep. Dean Asistio, Zamboanga Sibugay Rep. Antonieta Yudela, Partylist Reps Jojo Ang (Uswag Ilonggo), Nikki Briones (AGAP), Bem Noel (An-Waray), Terrence Calatrava, kanhi undersecretary sa Office of the Presidential Assistant for the Visayas (OPAV).
Lakip usab sa mga gibutyag nga pangalan mao si House Speaker Martin Romualdez ug Ako Bicol Partylist Rep. Zaldy Co.
Andam usab sila nga mahimong state witness sa imbestigasyon sa Senado. Gilauman nga magpadayon ang imbestigasyon sa umaabot nga mga semana.
Photo Courtesy: Rappler
