Nagpadayon ang P93.5-million flood control project ang Department of Public Works and Highways Sarangani District Engineering Office subay sa mandato niini nga panalipdan ang mga kinabuhi ug kabtangan gikan sa dili maayong epekto sa pagbaha, sa Barangay Bagacay ug Poblacion, Alabel, Sarangani Province.
Ang proyekto naglakip sa pagtukod sa usa ka konkreto nga revetment ug ang pag-instalar sa U-type nga steel sheet piles nga gidisenyo aron magsilbing bridge abutment protection.
Kining structural features kay gi-engineered aron makasugakod sa makadaot nga puwersa sa tubig baha panahon sa kusog nga pag-ulan ug bagyo.
Gipasiugda ni District Engineer Rey R. Francisco ang kamahinungdanon sa proyekto, ilabi na sa mga komunidad nga daling bahaon.
Ang maong proyekto gipondohan ubos sa 2025 General Appropriations Act (GAA), gilauman nga makompleto sa Nobyembre 2025 ug makapalig-on pag-ayo sa kapasidad sa pagpaminus sa baha sa Alabel, nga maghatag ug malungtarong panalipod alang sa liboan ka mga residente samtang nagsuporta sa socio-economic nga kalamboan sa munisipyo.
Photo COURTESY TO:DPWH SOX
