Nagpabiling hilom ang kampo ni Ryan Bang ug Paola Huyong samtang nagpadayon ang espekulasyon sa ilang kahimtang isip magpartner.
Namatikdan sa ilang mga fans nga gi-delete ni Paola ang tanan nga posts nga may kalabotan kang Ryan sa iyang Instagram account, lakip na ang ilang engagement video nga gi-post pa kaniadtong Agosto 2024.
Sumala sa mga netizens, niadtong Sabado, Setyembre 6, 2025, namatikdan nga wala na ang mga litrato ug videos sa ilang duha, hinungdan nga misugod ang mga istorya sa posibleng pagkabulag o kasamtangang kalibog sa ilang relasyon.
Si Paola Huyong maoy giila nga nagdumala sa ilang mga negosyo nga gipundar nila ni Ryan usa ka restaurant ug coffee shop nga nahimutang sa Quezon City. Gawas pa niini, aduna pa silay bar ug mga opisina nga ilang gipanag-iyahan.
Tungod sa kalit nga kalamboan, nabalaka ang ilang mga fans unsaon pagdala sa ilang negosyo kung tinuod man gani nga nagkabulag sila. Sa pagkakaron, wala pa’y opisyal nga pahayag gikan sa duha.
Photo courtesy of PEP.ph
