Nagpasa ug Resolution of Both Houses No. 2 ang House Young Guns para amyendahan ang 1987 constitution pinaagi sa Constitutional Convention (Con-Con) para ipaubos ang age requirement sa presidente ug bise presidente gikan sa 40 anyos ngadto sa 35 anyos, ug senador, gikan sa 35 anyos ngadto sa 30 anyos.
Gimugna ang maong sugyot nila ni Deputy Speakers Paolo Ortega, Jay Khonghun ug Deputy Majority leaders Ernix Dionisio, Zia Alonto Adiong, Rodge Gutierrez ug Eduardo Rama, Lordan Suan.
Dugang pa nila nga 52% sa populasyon anaa na sa 30 anyos, nga nagpakita nga sila makahimo sa pagpangulo. Matod sa mga Kongresista, panahon na nga madungog ang tingog sa mga bag-ong henerasyon.
Dugang ni Deputy Speaker Paolo Ortega nga tungod sa kasamtangang balaod, pipila ka mga Filipino ang nagpaabot nga moabot sa edad nga kwarenta una magdamgo nga makaserbisyo sa nasud.
Matod nila ang pagpangulo dili bahin sa edad kondili bahin sa abilidad, pagpakabana ug kaandam sa pagserbisyo.
Photo Courtesy: Manila Bulletin
