𝐌𝐀𝐉𝐀 𝐒𝐀𝐋𝐕𝐀𝐃𝐎𝐑 𝐁𝐀𝐋𝐈𝐊 𝐏𝐑𝐈𝐌𝐄𝐓𝐈𝐌𝐄 𝐍𝐀 𝐒𝐀 𝐀𝐁𝐒-𝐂𝐁𝐍

Gipahibalo  Setyembre 5, 2025, sa Dreamscape Entertainment nga makig-uban si Maja Salvador sa usa ka bag-ong teleserye uban nila Kathryn Bernardo ug James Reid.

Sa usa ka post sa social media, gipakita ang tulo sa usa ka photoshoot ug ang caption nag-ingon, “Someone is going to mess with them.” Kini nagpasabot nga si Maja ang magdala ug kagubot  nila Kathryn ug James, nga maghatag ug init sa istorya sa serye.

Ang kataposang serye ni Maja sa ABS-CBN mao ang sikat nga revenge drama nga The Killer Bride niadtong 2019.

Naa pud siyay special guest role sa action series nga The Iron Heart niadtong 2022.

Human niya manganak sa 2024, mibalik usab siya sa pag-host ug pagsayaw sa Sunday noontime show nga ASAP.

Photo Courtesy to: MAJA SALVADOR