Human sa kapin usa ka dekada nga pag-develop, ang Alef Aeronautics nakadawat na og pagtugot aron masugdan ang airport testing sa ilang pinakabag-ong inobasyon – ang Model A, usa ka fully electric flying car.
Ang kompanya, nga nakabase sa San Mateo, California, nakig-partner sa Hollister ug Half Moon Bay airports sa Silicon Valley aron mas duol na kini nga proyekto sa realidad.
Ang Model A adunay kapasidad nga modagan og 200 ka milya sa dalan ug 110 ka milya sa hangin, nga naghatag og talagsaong kombinasyon sa awto ug eroplano.
Gibaligya kini og $300,000 ug nakadani na og dako nga interes sa kalibutan nga adunay kapin sa 3,300 ka pre-orders gikan sa nagkalain-laing nasud.
Kini nga milestone dili lang kalampusan para sa Alef apan usa usab ka dako nga lakang padulong sa damgo nga kaugmaon sa mga flying cars.
Kon malampuson ang testing, posible kining makausab sa hulagway sa urban mobility ug personal nga transportasyon sa umaabot nga mga katuigan.
via: TECH TIMES
