Usa ka 28-anyos nga street sweeper sa Bangkok Thailan ang nag-viral karon, ug usa na ka propesyonal nga modelo human siya nakit an sa usa ka photographer samtang siya nagtrabaho sa kadalanan sa Bangkok.
Naila ang maong babaye mao si Noppajit “Meen” Somboonsate,nag-inusarang inahan, nagtrabaho isip street sweeper sulod sa usa ka tuig. Sumala sa taho, si Semyon Rezchikov, usa ka photographer gikan sa Russia, nakakita kaniya samtang nanilhig sa kadalanan. Ang photographer gikatahong nadani sa natural nga kaanyag ni Meen, ug sekretong nga mikuhaan og hulagway sa wala pa miduol aron ipakita kaniya ang picture.
Gipaambit sa lalaki ang ilang panagkita sa TikTok diin dali kining nag-viral. Tungod niini, nakakuha og atensyon si Meen sa mga media outlet ug ahensya nga nangita og bag-ong mga nawong alang sa ilang mga proyekto.
Sa mga interbyu, si Meen miingon nga wala niya damha ang ingon niini nga pagtagad. Apan human giimbitar sa bantogang Thai make-up artist nga si Nong Chat alang sa libreng makeover, misamot pa hinuon ang iyang kaanyag dali nga nag-viral.
Si Meen nahimong modelo alang sa Browit,, usa ka cosmetics brand nga gipanag-iya ni Nong Chat, ug nakadawat sa ubang mga tanyag gikan sa iladong mga kompaniya. Bag-o lang niya gianunsyo nga mobiya na siya sa iyang kanhing trabaho aron motutok sa iyang bag-ong karera isip modelo.
PHOTO Courtesy: brileo.net En
