𝐒𝐁𝟏𝟗 𝐌𝐀𝐆𝐏𝐀𝐒𝐔𝐍𝐃𝐀𝐘𝐀𝐆 𝐒𝐀 𝐀𝐂𝐎𝐍 𝐅𝐄𝐒𝐓𝐈𝐕𝐀𝐋 𝐒𝐀 𝐓𝐀𝐈𝐖𝐀𝐍

Gibutyag nga ang iladong P-pop group nga SB19 magpasundayag sa umaabot nga ACON Festival karong Disyembre 7, 2025, nga ipahigayon sa Kaohsiung National Stadium. Ang maong festival usa ka espesyal nga kalihokan ilawom sa Asia Artist Awards (AAA) 2025.

Kini nga performance kabahin sa 10th anniversary celebration sa AAA, diin ang SB19 mokuyog sa dagkong pangalan sa K-pop sama sa NEXZ, xikers, CRAVITY, KiiiKiii, ug KickFlip.

Sa dili pa ang Taiwan performance, ang SB19 magahimo usab og back-to-back concerts sa Australia – Disyembre 5 sa Melbourne ug Disyembre 6 sa Sydney – isip kabahin sa ilang “Simula at Wakas” World Tour.

Ang SB19 nailhan sa ilang kalampusan sa AAA 2023, diin ilang nadawat ang AAA Hot Trend ug AAA Best Artist (Singer) awards. Ang ilang pag-apil sa ACON Festival nagpadayon sa ilang misyon sa pagrepresentar sa P-pop sa internasyonal nga entablado.

Pinaagi sa ilang talento ug dedikasyon, ang SB19 naghatag og dakong dungog sa Pilipinas, ug nagpanguna sa pagbangon sa P-pop sa kalibutanong industriya sa musika.

Photo courtesy to: Sf chronicle datebook