𝐃𝐑𝐈𝐕𝐄𝐑 𝐒𝐀 𝐌𝐎𝐓𝐎𝐑𝐒𝐈𝐊𝐋𝐎 𝐏𝐀𝐓𝐀𝐘, 𝐇𝐔𝐌𝐀𝐍 𝐍𝐀𝐁𝐀𝐍𝐆𝐈𝐋 𝐒𝐀 𝐊𝐀𝐒𝐔𝐆𝐀𝐓 𝐍𝐆𝐀 𝐓𝐑𝐔𝐂𝐊

Patay ang usa ka driver sa motorsiklo human napasok sa katagbo nga truck sa Fortich St., Barangay 7, Malaybalay City, Bukidnon Setyembre 2, 2025. Giila ang biktima sa 24 anyos, walay driver’s license nagmaneho sa Honda Click, scooter, kolor pula, dala ang temporary plate no. 1101-1097298 

Sa imbestigasyon nasayran nga niadtong tungora nag-ulan samtang nagbiyahe ang biktima nga nagsunod sa laing motor Yamaha Sniper, kolor itom, nagdala og temporaryong plate no 102063813, gimaneho sa lalaki, 26 anyos sa palugsong nga dalan sa samang direksyon paingon sa habagatan.

Pag-abot sa dapit nahitaboan sa insidente ang atubangan nga tuong bahin sa gimaneho nga motor sa biktima nabangga sa likod nga bahin sa nag-unang motorsiklo hinungdan nalabay kini sa pikas lane samtang adunay kasugat Isuzu Flatbed truck, kolor pula, gipanag-iya ug gimaneho sa usa ka lalaki, 50 anyos nga kargado og 40 cubic meters sa kahoy nga Falcata dayong aksidenting napasok sa atubangang wala nga kilid nga ligid sa truck.

Tungod niini nga impact nakaangkon ug grabeng samad sa lawas ang biktima gidala sa Malaybalay Polymedic General Hospital Inc., apan gideklarar kining patay sa nag-atiman nga doctor, samtang ang laing driver sa Yamaha Sniper luwas na ang kahimtang 

Temporaryo karon gibutang atubangan sa Sumpong Elementary School ang maong truck alang sa tukmang disposisyon. Gituohan nga ang duha ka driver sa motorsiklo posibleng nakainom dihang nahitabo ang maong insidenti. 

via:Dave Chan/ Malaybalay City Police Station