Nakit-an na ang 13-anyos nga batang lalaki human naanod sa tubig-baha walo ka adlaw ang milabay, pasado alas 11:00 sa buntag kagahapon Setyembre 2, 2025, didto sa Purok 2B, Barangay Aglayan, syudad sa Malaybalay.
Sa exclusive nga pakighinabi sa Juander Radyo Malaybalay, giingon ni Roderick Jimenez, amahan sa biktima, nga ang unang nakakita sa patayng lawas mao ang 22-anyos nga lalaki uban sa iyang igsoon nga nangita sa maong lugar, nabantayan nila ang baho nga gikan sa ilawom sa tubig nga adunay daghang bato.Β
Tungod niini, nagduda na sila nga adunaβy dili maayo, hinungdan nga ila gilayon nga gi-report sa Barangay ug CDRRMO aron susihon ang maong lugar.
Pag-abot sa team sa maong dapit, ilang nakita nga ang biktima natabonan ug nasuksok sa ilawom sa mga bato, hinungdan nga wala kini dayon makit-i sa miaging mga adlaw nga search and retrieval operation.
Gikasubo man sa pamilya ang gidangatan sa bata apan mapasalamaton kining narekober ang patayng lawas alang sa katapusang pagpahiluna ug mahatagan sa hustong paglubong.
Kahinumduman nga ang biktima nadala sa kusog nga bul-og sa tubigβbaha samtang misulay pagtabok sa sapa kung asa kini namasol kauban iyang duha ka higala niadtong Agosto 27, 2025.
via: CDRRMOβ
