Mihangyo ang usa ka 75-anyos nga lalaki sa nasud China sa iyang asawa nga magbuwag na sila, gumikan nahigugma siya sa usa ka AI-generated nga babaye online.
Sumala pa sa taho, ang tigulang nga lalaki nakaila matud pa sa avatar sa social media ug nagtuo nga kini usa ka tinuod nga tawo, bisan kung kini klaro nga usa ka AI nga ginama lamang gumikan sa teknolohiya.
Tungod sa grabeng infatuation, niabot pa siya sa gusto nga makigdivorce aron lang makauban ang iyang “online girlfriend.”
Sa ulahi, gipasabot sa iyang mga anak ang bahin sa AI ug ang lalaki naka-amgo nga wala siya nakigsulti sa usa ka tinuod nga tawo.
Matod sa mga eksperto, nagkadaghan ang maong mga kaso sa China, ilabi na sa mga tigulang nga nag-inusara ug kanunay online.
Pahimangno usab nila, nga magmatngon sa paggamit sa gadgets sa mga tiguwang tungod kay samtang adunay benepisyo ang AI, delikado usab kini sa mga daling mailad.
Photo for illustration credits to: 123rf
