Nakuhaan og kantidad nga P170,000 ang usa ka giingong tambay atol sa gipahigayong drug buy-bust operation, pasado alas-3 sa kaadlawon, Agosto 30, 2025 sa Prk. 7, Tarubang, Brgy. Apokon, Tagum City sa hiniusang pwersa sa kapulisan sa Tagum City Police Station kauban ang Regional Special Operation Group ug 1st DNPMFC.
Gawas sa napalit sa maong suspetsado nakuha usab sa iyang posesyon ang uban pang mga nagkalain-laing sachet sa gituohang shabu, mark money, ug usa ka unit sa motorsiklo nga maoy gigamit sa maong operasyon.
Giila ang suspek nga si alyas Bebot, 28 anyos, single, walay trabaho, residente sa Brgy. Poblacion Maco Davao de Oro.
Balhug na karon sa kustodiya sa nasangpit nga estasyon ang maong dinakpan kinsa magsagubang sa kasong paglapas sa Republic Act 9165 kon Comprehensive Dangerous Drugs Act of 2002.
Photo Courtesy to:Tagum City Police Station
