Misaka sa mas paspas ang presyo ang mga palaliton sa buwan sa Agosto, nga nagduso sa mas taas nga gasto sa elektrisidad ug transportasyon ug pagsaka sa mga presyo sa utanon human sa ulan-ulan nga nakadaot sa mga pananum.
Sumala sa consumer price index (CPI) ang inflation, lagmit nga nisaka sa 1.2 porsyento, base sa median nga banabana sa 15 ka ekonomista nga maigi sa survey kaniadtong nakalabayng semana.
Bisan pa sa pagsaka, ang inflation gilauman gihapon nga muubos sa 2 ngadto sa 4 porsyento nga target range sa BSP sulod sa ikaunom nga sunodsunod nga bulan usa ka lugway sa ubos nga pagtaas sa presyo nga mahimong maghulma sa sunod nga lakang sa polisiya sa bangko sentral.
Gibutyag sa mga ekonomista sa Metrobank, ang pagsaka sa mga presyo sa pagkaon tungod sa disruptive nga panahon ug mas taas nga gasto sa enerhiya mao ang lagmit nga hinungdan sa pagtaas nga mokabat sa 1.3 porsyento nga CPI alang sa Agosto.
Matud ni Ruben Carlo Asuncion, chief economist sa UnionBank of the Philippines, nga ang huyang nga currency nga nakuha sa 56 ug 57 nga lebel sa miaging bulan mahimong makadugang sa gasto sa pag-import.
Photo courtesy to: philstar.com
