Giisip nga dakong cultural event ang Kalivungan Festival Street Dancing Showdown, kung asa mabulukong sayaw sa musika sa tradisyonal nga kasaulogan sa Cotabato nga gipahigayon karong Setyembre 1, 2025 sa Capitol Grounds, Amas, Kidapawan City.
Gisugdan ang parada alas-6 sa buntag, diin ang matag lungsod sa probinsya mipakita sa ilang garbo nga kultura, sayaw, ug tradisyon sa atubangan sa libuan ka mga bisita.
Ang maong kompetisyon nagdala usab og dako nga insentibo alang sa mananaug, nga makadawat og ₱1 milyon nga grand prize.
Matod sa organizers, dili lamang kini sayaw nga pasundayag, kundili usa ka selebrasyon sa panaghiusa ug pagbangon sa Cotabateños, diin makita ang kalampusan sa probinsya sa pagpreserba sa kabilin ug kultura.
Kahibaloang ang Kalivungan Festival, nga ginaselebrar matag tuig, nagtimaan sa paglantaw sa kasaysayan ug panaghiusa sa tanang lungsod sa Cotabato, nga nagpasabot sa pulong nga “Kalivungan” o gathering.
Nahimong labing kulbahinam nga higayon sa kalendaryo ang maong kalihukan sa Kalivungan Festival 2025, diin nasaksihan ang labing maayo ug malampuson nga street dancers sa probinsya.
Photo courtesy to: pgc
