Pabor si Bise Presidente Sara Duterte sa mando ni Presidente Ferdinand Marcos Jr. nga maghimo og lifestyle check sa tanang opisyal sa gobyerno isip kabahin sa imbestigasyon sa mga anomalous flood control projects.
Matud sa Bise Presidente, kinahanglang ang lifestyle check mahimong “deep dive” ug dili lang kutob sa naandan nga pagtan-aw sa statement of assets, liabilities and networth (SALN) sa mga opisyal.
Ang pagsusi kinahanglan usab nga ilakip ang mga appointed government officials, dugang pa ni dutert, Kinahanglan usab nga ilhon sa pagsusi ang mga “dummies” nga nagserbisyo isip front sa mga opisyal sa gobyerno.
Daghang miyembro sa gabinete ang pabor sa mando sa presidente, nga nag-ingon nga ” kini ang angay buhaton.”
Matud ni Palace Press Officer Undersecretary Claire Castro niadtong miyerkules, ang pagsusi sugdan sa mga opisyal sa Department of Public Works and Highways (DPWH).
Kahinumduman nga una ng giangkon sa DPWH nga adunay mga “ghost” flood control projects ug misaad nga imbestigahan kini.
Hangtod niadtong miyerkules sa buntag, nakadawat na ang Office of the President og 9,020 ka reklamo kabahin sa mga anomalous flood control projects nga gisang-at pinaagi sa website nga sumbongsapangulo.ph, sumala sa Malacañang.
Photo courtesy to:PIA
