Sa paningkamot nga mapugngan ang polusyon sa dagat, gisugdan sa mga awtoridad sa Australia ang pagbutang og mesh drain systems nga modakop sa basura sa dili pa makaabot sa mga suba ug baybayon.
Kini nga mga net gibutang sa tumoy sa mga imburnal outlet aron salaon ang mga basura sama sa plastic bottles, food wrappers, ug uban pang hugaw nga gikan sa ulan sa syudad.
Sa usa ka trial run, nakasala kini og 370 kilos nga basura, nga nakapamatuod nga bisan ang gamay ug barato nga inisyatiba mahimong dako kaayo ug epekto sa kinaiyahan.
Ang maong pamaagi dili lang nagpanalipod sa mga hayop sa dagat gikan sa kadaot sa basura, apan nakapamenos usab sa gasto sa pagpanglimpyo alang sa lokal nga kagamhanan.
Tungod sa kasayon ug kaepektibo niini, nakadani kini og internasyonal nga pagtagad isip usa ka eco-friendly nga solusyon nga pwede ipatuman sa daghang syudad sa kalibotan
via: Techtimes
