Nagpadala ang European Union og dugang mga pwersa sa pagpamatay sa sunog sa Spain aron matabangan ang nasud nga nagpadayon sa pakigbugno sa kaylap nga mga sunog nga mikalas na sa tulo ka mga kinabuhi.
Kabahin sa mekanismo pagtubag sa emerhensiya ang maong tabang sa EU human sa pormal nga hangyo gikan sa Espanya samtang ang mga sunog nagpadayon sa daghang mga rehiyon tungod sa grabeng kainit sa ilang lugar.
Kahibaloan ang Spain mao ang ikalima nga nasud sa Uropa nga nangayo ug tabang sa EU sa pagsumpo sa mga sunog sa kalasangan karong ting-init, sama sa Greece diin ang wilfires nahimong tinuig nga problema sa daghang bahin sa Habagatang Uropa, ilabina panahon sa ting-init.
Gawas pa sa pagpameligro sa kinabuhi ug kabtangan, dakong kadaot usab kini sa kinaiyahan ug makabalda sa lokal nga ekonomiya.
via: Violeta Santos Moura/Reuters
