𝗣𝗕𝗕𝗠 𝗛𝗜𝗦𝗚𝗨𝗧𝗔𝗡 𝗔𝗡𝗚 𝗥𝗘𝗞𝗢𝗠𝗘𝗡𝗗𝗔𝗦𝗬𝗢𝗡 𝗦𝗔 𝗣𝗔𝗚𝗣𝗔𝗧𝗔𝗔𝗦 𝗦𝗔 𝗧𝗔𝗥𝗜𝗣𝗔 𝗦𝗔 𝗜𝗠𝗣𝗢𝗥𝗧𝗘𝗗 𝗡𝗚𝗔 𝗕𝗨𝗚𝗔𝗦 𝗦𝗔 𝗦𝗧𝗔𝗧𝗘 𝗩𝗜𝗦𝗜𝗧 𝗦𝗔 𝗜𝗡𝗗𝗜𝗔

Gikatakdang hisgotan ni Pang. Ferdinand Marcos Jr. ug sa gabinete ang rekomendasyon sa Department of Agriculture nga umentohan ang taripa sa imported nga bugas ug temporaryong ihunong ang tanang importasyon aron mapanalipdan ang mga lokal nga mag-uuma.

Matod ni Presidential Communications Office (PCO) Secretary Dave Gomez, hisgutan sa Presidente ang nasangpit nga isyu samtang didto sa India kauban ang gabinete sa sideline sa iyang lima ka adlaw nga state visit.

Si Secretary Gomez kabahin sa delegasyon sa Presidente nga nagbiyahe sa India ug mao usab si Agriculture Secretary Francisco Tiu Laurel.

Ang Philippine Council for Agriculture and Fisheries nisugyot nga ipadayon ang 35 porsyento nga taripa sa imported nga bugas aron mapanalipdan ang mga lokal nga mag-uuma sa humay tungod kay mius-os ang presyo sa bugas.

Ang India usa sa mga nasud diin ang Pilipinas nag-import og bugas.

“Girekomenda sa Departamento sa Agrikultura ang pagtaas sa taripa sa imported nga bugas ug temporaryo nga gipahunong ang tanan nga pag-import aron mapanalipdan ang mga lokal nga mag-uuma.

SOURCE: Analy Soberano
Photo credits:ptvnews.ph